Feeds:
પોસ્ટો
ટિપ્પણીઓ

Archive for the ‘ઇજીપ્તના કાવ્યો’ Category

ચાળીસે
સ્ત્રીઓના બટવા વિસ્તરે
બ્લ્ડ પ્રેસરની ગોળી અને ખાંડના ટૂકડા માટે
અને ચશ્મા
દૃષ્ટિ સુધારવા
જટિલ અક્ષર વધારે
માયાળુ બનાવવા

ગુપ્ત ખાનાઓમાં
એ નાટકની ટીકીટો સાચવે
અને ગ્રહણ વખતે
હેડકી માટે દવાચીઠ્ઠી
મીણબત્તી
કારણ અગ્નિ બાળે પિશાચ
જે રાત્રે ચોરીછૂપી આવે
સ્ત્રીઓના ગળા શોષવા
અને આગળના ખાનામાં
મૃત્યુપત્રઃ
મારી મિલ્કત”રંગોના છાંટા.”
( જે ચોટે મારા હાથને જ્યારે બે પતંગિયાં ત્યાં બેસે.)
ચિત્રપોથી
અને પીંછી
જે હુ દાન કરું
-એકાકી સ્ત્રી સમ-
મારી ધરતીને.

ચાળીસે
સ્ટૉકિંગ્સ પર ટાઢોડું દેખાવા માંડે
અને હાર્દ થાય રિક્ત રકાબી
શુક્રવારે રાત્રે
જ્યારે પતંગિયાં ઘર છોડી જાય
ક્યાં જતાં હશે?
એ ગોઠવાય મીઠડી ફોઈને ખભે
શહેરના પશ્ચિમ છેડે.
છ રાત્રી
અરવતા, ઉદાસ નારી
વરંડામાં બેસે
એમના પાછાં ફરવાની પ્રતીક્ષામાં.

ચાળીસે
એક સ્ત્રી એના પડોશીને કહે
મારે એક દિકરો છે
જેને વાતો કરવાનું ગમતું નથી
ઇશ્વર આપે મને સમય
એક પરોઢ સુધી જ્યારે એ કહેશે મનેઃ
મા, જાવ!
હું
હવે સુખી છું.( અનુ.૫-૨૩-૨૦૧૨)

(વધુ…)

Advertisements

Read Full Post »

૧)  ગીરગીસ શૌકરી ( ઇજીપ્ત)
પ્રેમ

વાદળાં બારી સાથે હસ્યાં
પછી ગબડ્યાં
કપડાં કાઢ્યાં;
જોયું,
એ તૂટી પડ્યાં’તા ચોળાયેલાં પથારીમાં.
એમની ઊંઘ પછી પલંગ
કબાટમાંથી કઢાતાં
કપડાંના અવાજ જેવો લાગ્યો.
ભીંતો પડોશીને છેલ્લામાં છેલ્લી વિગતો
મોકલતી હતી
અને છત આકાશને આમંત્રે
કૌટંબિક મેળાવડામાં.
ઉતાવળકરઃ
એક અટ્ટહાસ્ય ભીંતમાંથી નાસી છૂટ્યું
આપણે ઝડપવું છે એને
અન્યથા
સમગ્ર વિશ્વ હાસ્યમાં ફાટી પડશે.(અનુ. ૧૧/૨૪/૨૦૧૧)

૨) શૌકિ શાફિક ( યમન)
કારણો

 a) સ્વાદ
ગઈકાલે
તારા ગયા પછી
હું જમ્યો નથી
મારા હોઠ પરથી
તારો સ્વાદ ન ભૂલવા.

b) ચળકાટ
ઘૂંટણ અંધારામાં ચળકે,
એક પંખીના
ધ્રુજવા માટે પૂરતું કારણ.

 c) સમાપ્તિ
ત્રણ માણસો હતાં
ઓરડામાં એક સ્ત્રીનું ચિત્ર દોરતા
જ્યારે દોરાઈ રહ્યું
એટલી બધી સ્ત્રીઓ ત્યાં હતી
કે ઓરડો વકાસી રહ્યો.

d) ખોરાક
કચરાપેટીએ કેટલાંય બીલાડાં
પાંઊના ટૂકડા
પ્લાસ્ટિક હોય
અને ત્યાં છે ખોરાક
ગાડાનો ઢોંગ કરતા
બાતમીદાર માટેય.[અનુ, ૧૧/24/2011]

(વધુ…)

Read Full Post »